O vindeiro 16 de decembro celébrase, en Compostela, a Asemblea Nacional Constituínte de CxG.
Poderá participar con voz e voto toda a afiliación que teña as cotas pagas no momento de acreditarse na asemblea. Haberá unha mesa para solventar incidencias e poñer as cotas ao día na propia asemblea. Para sufragar os gastos da asemblea, márcase unha cota de 2€ a abonar no momento de acreditarse.
Como observadores/as, con voz e sen voto, poderán asistir á Asemblea Nacional os e as simpatizantes convidados/as.
Nas asembleas comarcais poderán presentarse emndas ás propostas de textos oficiais, que pasarán á Asemblea Nacional de acadar máis votos a favor que en contra.
Toda persoa afiliada poderá presentar a súa candidatura ao CPN, que será eleito por listas abertas, así como á Secretaría xeral, comunicándoo ao correo nacional ([email protected]) como máximo 48 horas antes do comezo da asemblea.
Podes consultar o REGULAMENTO premendo aquí.
LUGAR
Hotel Congreso. Liña de bus 6 de Santiago aos Tilos (1200 mts. do Hotel)
No Hotel Congreso, na Rúa das Mámoas de Montouto, no Concello de Teo, a pouco máis de 5 minutos de Santiago de Compostela. Hai erro na anterior circular, podedes acceder á súa localización correcta PREMENDO AQUÍ.
O propio hotel dispón de aparcamento gratuíto, e para transporte público, hai servizo dende Santiago na liña 6, que deixa a poucos metros do Hotel. Se queres ver as paradas da liña, podes acceder PREMENDO AQUÍ.
Ata cando podo afiliarme para participar?
O día 12 de decembro ás 18 horas péchanse os censos para poder participar con plenos dereitos. Para afiliarte podes facelo de dous xeitos: a través da nosa páxina web (accede premendo aquí), solicitándoo a [email protected] ou nas propias xuntanzas das Agrupacións Comarcais, onde haberá fichas para cubrir.
Xantar
Para xantar é necesario inscribirse a través das Secretarías Comarcais, ou en casos excepcionais por exemplo nun concello se xunta un grupo, pois tamén se pode directamente no correo nacional [email protected] . As anotacións deben facerse antes do xoves 13. (nome, apelidos, concello). O menú son 13€ que serán abonados nunha mesa ao efecto no propio Hotel.
